Husilər İsrailin Ben Qurion hava limanına raket ATDILAR

Yəmənin qiyamçı "Ənsar Allah" hərəkatından olan husilər hipersəsli ballistik raketdən istifadə edərək Təl-Əvivdəki Ben Qurion hava limanına zərbə endiriblər.

AJMEDİA.NEWS xəbər verir ki, bu barədə qiyamçıların yaratdığı silahlı qüvvələrin sözçüsü Yəhya Sariya "Al Masirah" telekanalının efirində deyib.

"Raket qoşunlarının keçirdikləri hərbi əməliyyat zamanı "Fələstin-2" tipli hipersəsli ballistik raketdən istifadə edilərək Ben Qurion aeroportuna zərbə endirilib" , - deyə o vurğulayıb.

Sariya qeyd edib ki, əməliyyat məqsədinə uğurla nail olub, hücum nəticəsində hava limanının fəaliyyəti müvəqqəti olaraq dayandırılıb.