Füzulidə tibb işçisi döyüldü – Hadisənin TƏFƏRRÜATI

Füzuli Rayon Mərkəzi Xəstəxanasının əməkdaşı döyülüb.

AJMEDİA.NEWS xəbər verir ki, hadisə rayonun Alıxanlı kəndində, Şıxəli adlanan bulaqdan su doldurarkən baş verib.

Rayon sakini Ceyhun Mehdiyev ailəsi ilə birlikdə su doldurarkən orada olan digər sakinlərlə mübahisə edib.

Mübahisə zamanı əlbəyaxa dava nəticəsində Ceyhun Mehdiyev, 1962-ci il təvəllüdlü Kazım Əkbər oğlu Alıyev və onun qardaşları - 1979-cu il təvəllüdlü Yalçın Əkbər oğlu Alıyev, 1966-cı il təvəllüdlü Ələsgər Əkbər oğlu Alıyev müxtəlif dərəcəli xəsarətlər alaraq Füzuli Rayon Mərkəzi Xəstəxanasına çatdırılıblar.

Dava zamanı xəsarət alan Ceyhun Mehdiyev Füzuli Rayon Mərkəzi Xəstəxanasının baş tibb qardaşı vəzifəsində çalışır.

Faktla bağlı Füzuli Rayon Polis Şöbəsində müvafiq araşdırma aparılır.