Təl-Əvivdə Qafqaz festivalı keçirilib
2 saat əvvəlElektrikli avtomobil sürənlərin NƏZƏRİNƏ!
16 Oktyabr 2025 09:07 | Baxış sayı: 436
Yüksək temperaturda və sürətli şəkildə aparılan şarj batareyaların ömrünü 50 faizədək uzada bilər.
AJMEDİA.NEWS xəbər verir ki, elektrikli avtomobil batareyalarını araşdıran ABŞ-nin Stenford Universiteti və Toyota Tədqiqat İnstitutunun alimləri belə qənaətə gəliblər.
Məlumata görə, 186 litium-ion hücrələri üzərində aparılan testlər göstərib ki, batareyanın davamlılığını müəyyən edən əsas amil onun istehsal zamanı edilən ilk şarjıdır. Ənənəvi olaraq 10 saat çəkən bu prosesin 55°C temperaturda 20 dəqiqəyə qədər qısaldılması nəticəsində anod səthində daha stabil qoruyucu qat formalaşır. Qeyd olunub ki, bu nailiyyət süni intellektin dəstəyi ilə əldə olunub – sistem temperatur, cərəyan və gərginlik kombinasiyalarını analiz edərək ən optimal şarj şəraitini müəyyənləşdirib.
Mütəxəssislərə görə, yeni metodun kommersiya tətbiqi üçün hələ uzunmüddətli testlər aparılmalıdır. Bu texnologiyanın 2027-ci ildən etibarən geniş istifadəyə veriləcəyi gözlənilir.
