Dünyada ən çox istifadə olunan süni intellektlər SIYAHI

Son zamanlar süni intellekt alətləri internetdə ən çox ziyarət edilən platformalar sırasında yer almağa başlayıb.
“SEMrush” və “Ahrefs” analitika platformalarının təqdim etdiyi təxmini trafik göstəricilərinə istinadən xəbər verir ki, 2026-cı ilin iyun ayında dünyanın ən populyar 15 süni intellekt alətinin veb-saytlarına ümumilikdə milyardlarla ziyarət həyata keçirilib.

Qeyd edək ki, iyun ayında “ChatGPT” rəqiblərini böyük fərqlə geridə qoyub.

Belə ki, “ChatGPT”nin iyun ayında aylıq veb ziyarətlərinin sayı 5 milyard 320 milyon olub. Bu göstərici siyahıdakı digər 14 alətin ümumi ziyarət sayından da çoxdur.

İkinci pillədə 1 milyard 140 milyon ziyarətlə “Gemini”, üçüncü yerdə isə 967 milyon 910 min ziyarətlə “Claude” qərarlaşıb.

Reytinqdə ABŞ şirkətləri üstünlük təşkil edir. Siyahıya daxil olan 15 alətin 12-si ABŞ-də fəaliyyət göstərir. ABŞ-dən kənarda siyahıya Avstraliyanın “Canva”, Çinin “DeepSeek” və İspaniyanın “Magnific” platformaları daxil olub.

Məlumata görə, “JanitorAI” və “Character AI” kimi süni intellekt əsaslı çat platformaları da diqqət çəkib. Bu iki xidmət birlikdə iyun ayında təxminən 338 milyon 630 min veb ziyarəti əldə edib.

Qeyd edək ki, təqdim olunan rəqəmlər yalnız veb-sayt ziyarətlərini əhatə edir. Mobil tətbiqlər və API vasitəsilə istifadə statistikaya daxil edilməyib.

Dünyanın ən çox ziyarət edilən 15 süni intellekt aləti aşağıdakı kimi olub:

“ChatGPT” (ABŞ) – 5 320 000 000
“Gemini” (ABŞ) – 1 140 000 000
“Claude” (ABŞ) – 967 910 000
“Canva” (Avstraliya) – 759 760 000
“Google Translate” (ABŞ) – 343 020 000
“DeepSeek” (Çin) – 318 810 000
“Grok” (ABŞ) – 189 890 000
“JanitorAI” (ABŞ) – 173 170 000
“Character AI” (ABŞ) – 165 460 000
“Perplexity” (ABŞ) – 140 700 000
“Magnific (Freepik)” (İspaniya) – 116 840 000
“Notion” (ABŞ) – 110 640 000
“Zoom” (ABŞ) – 96 240 000
“Microsoft Copilot” (ABŞ) – 92 720 000
“Suno” (ABŞ) – 81 840 000 //yeniavaz