Şənbə günü bəzi yerlərdə yağış yağacaq - PROQNOZ
18 dəqiqə əvvəlDünya Alyaskada bölünür: Putin–Tramp sammiti Bakı vaxtı ilə bu saatda BAŞLAYACAQ
15 Avqust 2025 12:00 | Baxış sayı: 327
ABŞ Prezidenti Donald Tramp və Rusiya Prezidenti Vladimir Putin arasında çoxdan gözlənilən sammit 15 avqustda Alyaskanın Ankoric şəhərindəki Elmendorf-Richardson Hərbi Bazasının ərazisində keçiriləcək.
AJMEDİA.NEWS xəbər verir ki, rəsmi məlumata görə, görüş Alyaska vaxtı ilə 11:30-da başlayacaq ki, bu da Bakı vaxtı ilə 23:30-a təsadüf edir.
Trampı sammitdə vitse-prezident Cey Di Vens, dövlət katibi Marko Rubio, xüsusi nümayəndə Stiv Vitkoff və maliyyə naziri Skott Bessent müşayiət edəcək. Bu, Ağ Ev komandasının Ukraynada atəşkəsin təmin olunması və uzunmüddətli sülhə nail olunması istiqamətində fəal diplomatik səylərinin davamı kimi qiymətləndirilir.
Sammitə hazırlıq müşavirəsində Vladimir Putin açıq şəkildə bildirib ki, Tramp administrasiyası Ukraynada döyüş əməliyyatlarının dayandırılması üçün ciddi və enerjili addımlar atır. O, uzunmüddətli sülh şəraiti yarandığı halda, strateji hücum silahları üzrə yeni razılaşmalara çıxışın mümkünlüyünü də istisna etməyib.
Ekspertlərin fikrincə, Alyaska sammiti yalnız Ukrayna müharibəsi deyil, həm də qlobal güc balansı üçün həlledici ola bilər. Moskva və Vaşinqton arasında münasibətlərin taleyi, yeni sanksiyalar məsələsi və strateji silahların məhdudlaşdırılması mexanizmləri də müzakirələrin əsas gündəmindədir.
Bakı bu tarixi görüşün başlanmasını bu axşam, 23:30-da izləyəcək.
Sondəqiqə yayılan açıqlamasında Tramp əmin olduğunu bildirib ki, Putin və Zelenski “sülhə gələcəklər”. "Putin və Zelenskinin iştirakı ilə ikinci görüş daha da önəmli olacaq. Düşünürəm ki, onlar sülhə nail olacaqlar və o zaman mən 6 ayda 6 müharibəni dayandıracağam".
