Deputatlığa namizəd Tural Tağıyev seçicilər ilə silsilə görüşlər keçirir - FOTOLAR

AJM Media Qrupu olaraq 55 saylı Siyəzən–Quba–Xızı seçki dairəsindən millət vəkilliyinə namizəd Tural Eyyam oğlu Tağıyevin seçki platformasını təqdim edirik.

Tural Tağıyev müstəqil namizəd olaraq seçkilərdə iştirak edir və heç bir siyasi partiyanın üzvü deyil. Seçki bülletenində 5-ci sırada yer alır.

Namizəd uzun illər ərzində yaşadığı bölgədə ictimai fəallığı, vətəndaşların problemlərinin həlli istiqamətində göstərdiyi təşəbbüslər və hüquqi müstəvidə apardığı mübarizəsi ilə tanınır. 16 il Azərbaycan Ordusunda nümunəvi xidmət keçmiş Tural Tağıyev, eyni zamanda bölgədə yüksək nüfuz qazanmış, insanların etimadını qazanmış bir şəxsdir.

O, daim vətəndaşların hüquqlarının müdafiəsi, sosial problemlərin həlli və ictimai ədalətin təmin olunması istiqamətində fəaliyyət göstərmişdir. Azərbaycan ictimai-siyasi həyatında da fəal iştirak edən Tural Tağıyev ölkədə demokratik dəyərlərin inkişafını və vətəndaş cəmiyyətinin gücləndirilməsini əsas prioritet kimi qəbul edir.

Namizədin əsas məqsədləri:

- bölgənin sosial-iqtisadi inkişafına töhfə vermək

- vətəndaşların hüquqlarını qorumaq

- seçicilərin maraqlarını parlamentdə effektiv şəkildə təmsil etmək

- qanunvericilik təşəbbüsləri ilə çıxış etmək

Mandat əldə edəcəyi təqdirdə, Tural Tağıyev yerli problemlərin həlli istiqamətində fəal fəaliyyət göstərəcəyini və seçicilərin etimadını doğrultmaq üçün çalışacağını bəyan edir.

Haqqa səs verin! Ədalətin qalib gəlsin!