Deputata ŞOK CAVAB: "Müəllimlərin maaşı 500 manatdır, onlar da..."

"Azərbaycanda orta aylıq əməkhaqqı və median maaş arasındakı kəskin fərq, həmçinin gənclərin ölkədən kütləvi axını məsələsi yenidən gündəmə gəlib. İqtisadi göstəricilərin real vəziyyəti əks etdirməməsi və bəzi rəsmi şəxslərin az maaş alan vətəndaşları "savadsızlıqda" ittiham etməsi cəmiyyətdə ciddi narazılıq doğurub".

AJMEDIA.NEWS xəbər verir ki, bu sözləri "TV Musavat"ın canlı efirində ReAl Partiyasının sədri Natiq Cəfərli Səyyad Aranın son çıxışına cavab olaraq deyib. Onun sözlərinə görə, deputatların aşağı maaş alanları savadsız adlandırması məntiqsiz yanaşmadır: "Ölkədə 1 milyon 700 min muzdla çalışan var və onların yarısı 550-560 manat (median maaş) əməkhaqqı alır. Belə çıxır ki, 1 milyona yaxın insan savadsızdır? Bəs bizə savad verən müəllimlər? Onların maaşı 450-500 manat deyilmi? Deputatın məntiqi ilə müəllimlərimizin hamısı savadsızdır".

O bildirib ki, Azərbaycanda "uğur hekayəsi" yanlış olaraq yalnız dövlət işinə bağlanıb: "Gənclərin 80%-i gömrükdə, vergüdə, dövlət qulluğunda işləmək istəyir. Çünki görür ki, dövlət işçisinin evi, bağı, bahalı maşını var, amma maaşla necə dolandığı ilə maraqlanmır. Ölkədə biznes mühiti elədir ki, kimsə daşı daş üstünə qoyanda onu 'yolmağa' gəlirlər. Belə şəraitdə yüksək savadlı gənc Azərbaycanda qalmayacaq, Microsoft, Tesla və Apple kimi şirkətlərə üz tutacaq. Bizdə yanaşma kökündən dəyişməli, kiçik və orta sahibkarlığa imkan yaradılmalıdır".

Ətraflı verilişdən təqdim etdiyimiz hissədə: