Bu ölkə 16 yaşdan kiçik yeniyetmələrə sosial şəbəkələri QADAĞAN EDİR

Avstraliya hökuməti 16 yaşdan kiçik şəxslərin sosial şəbəkələrə girişini qadağan edən qanun çərçivəsində "YouTube" video platformasını da məhdudiyyət siyahısına daxil etmək qərarına gəlib.

AJMEDİA.NEWS bildirir ki, bu barədə Avstraliyanın Baş naziri Entoni Albaneze açıqlama verib.

"Əhəmiyyətli məqam odur ki, Avstraliyanın internet təhlükəsizliyi üzrə səlahiyyətli nümayəndəsinin tövsiyələrinə uyğun olaraq, 16 yaşdan kiçik yeniyetmələr "YouTube" platformasında hesab aça bilməyəcəklər", - deyə o, mətbuat konfransında bildirib.

Siyasətçi bu qadağanın, həmçinin "Facebook" və "Instagram", "Snapchat", "TikTok" və "X" kimi sosial şəbəkələrə də şamil olunacağını təsdiqləyib. Onun sözlərinə görə, onlayn oyunlar, mesencerlər və təhsil platformaları məhdudiyyətlərə məruz qalmayacaq.

Albaneze bu ilin sentyabrında BMT Baş Assambleyasının 80-ci sessiyası çərçivəsində digər dünya liderləri ilə sosial şəbəkələrin yeniyetmələrin psixoloji sağlamlığına təsiri problemini müzakirə etmək niyyətində olduğunu bəyan edib.