“Bu gecə İran məhv olacaq” - Trampdan xəbərdarlıq
5 saat əvvəl“Bu dəli prezidenti cilovlamağa çağırıram” - ABŞ-də İrana görə Trampa ETİRAZLAR
08 Aprel 2026 08:59 | Baxış sayı: 102
ABŞ Konqresinin üzvü Ceyms MakQovern Prezident Donald Trampın İrana qarşı səsləndirdiyi son təhdidləri “qanunsuz” və “müharibə cinayəti” adlandıraraq kəskin reaksiya göstərib.
AJMEDİA.NEWS xəbər verir ki, konqresmen bu barədə “X” sosial şəbəkə hesabında paylaşım edib.
O, prezidentin “bütöv bir sivilizasiyanı məhv etmək” barədə xəbərdarlığını soyqırımı hədəsi kimi qiymətləndirib:
“Bu, tamamilə şərdir. Amerika Birləşmiş Ştatları Prezidentinin soyqırımına bərabər olan müharibə cinayətləri törətməklə hədələməsi həm federal, həm də beynəlxalq qanunlara görə qanunsuzdur”.
Konqresmen həmçinin ABŞ ordusuna xatırlatma edərək bildirib ki, hərbçilər prezidentə deyil, Konstitusiyaya and içiblər:
“Birləşmiş Qərargah Rəisləri hüquqa zidd “hər hansı bir əmrə” tabe olmaq məcburiyyətində deyillər. Nümayəndələr Palatasının spikeri Mayk Consonu dərhal Konqresi toplamağa və bu dəli prezidenti cilovlamağa çağırıram”.
Xatırladaq ki, aprelin 7-də Donald Tramp İranla bağlı növbəti qalmaqallı bəyanatla çıxış edib. O, aprelin 8-nə keçən gecə ABŞ-nin “bütöv bir sivilizasiyanı” yer üzündən silə biləcəyini demişdi.
