Britaniya Rusiyaya qarşı sanksiyaları genişləndirdi

Böyük Britaniya sanksiyalar siyahısına 23 yeni maddə əlavə etməklə Rusiyaya qarşı əlavə məhdudlaşdırıcı tədbirlər tətbiq edib.
AJMEDİA xəbər verir ki, bu barədə Birləşmiş Krallığın Xarici İşlər Nazirliyi məlumat yayıb.

Məlumata görə, siyahıya Rusiya Silahlı Qüvvələrinin Baş Qərargahının Baş İdarəsinin müxtəlif bölmələrinin əməkdaşları daxil edilib.

Sanksiya siyahısındakı ifadəyə görə, onların fəaliyyəti "Birləşmiş Krallığın və ya digər dövlətin bütövlüyünü, rifahını və ya təhlükəsizliyini pozmağa yönəlib.

Məhdudiyyətlərə məruz qalan təşkilatlar arasında 161-ci Xüsusi Təyinatlı Mütəxəssislərin Hazırlığı Mərkəzi də var.

Həmçinin, "Afrika Təşəbbüsü" adlı Rusiya informasiya agentliyi və onun rəhbərləri də sanksiyalara məruz qalıb.

Qeyd edək ki, iyulun 18-də Avropa İttifaqı Şurası 18-ci anti-Rusiya sanksiyalar paketini təsdiqləyib.

Avropa İttifaqının anti-Rusiya sanksiyaları altında olan şəxslərin və təşkilatların ümumi sayı 2,5 min nəfəri ötüb . Aİ-nin yeni sanksiyalar paketinə 14 fiziki və 41 hüquqi şəxsə qarşı məhdudiyyətlər, o cümlədən “Şimal axını” ilə əməliyyatlara qadağa daxildir . Nəşr olunan məlumatlar onu da göstərir ki, Avropa İttifaqı üçüncü ölkələrdən gələn Rusiya xammalından hazırlanmış neft məhsullarının alınmasını qadağan edib. Məhdudiyyət Kanada, Norveç, İsveçrə, Böyük Britaniya və ABŞ məhsullarına təsir etməyəcək.