“Azəriqaz”ın kartlarına niyə pul yükləmək olmur? - RƏSMİ AÇIQLAMA
23 dəqiqə əvvəlAzyaşlı Sərxan həmin vaxt hədiyyəsinə baxırmış... - Dəhşətli qəzanın TƏFƏRRÜATI + VİDEO
02 Yanvar 2026 17:51 | Baxış sayı: 311
Bakının mərkəzində azyaşlının ağır xəsarət alması ilə nəticələnən hadisənin təfərrüatı məlum olub.
AJMEDİA.NEWS qafqazinfo.az-a istinadən xəbər verir ki, ağır yaralanan uşağın fotosunu paylaşan bloqer Saleh Nəsirov hadisə barəsində bəzi məlumatları bölüşüb.
Bildirilib ki, hadisə dekabrın 25-i baş verib. Sərxan adlı 10 yaşlı oğlan başından yaralanıb və Mərkəzi Klinik Xəstəxananın Reanimasiya şöbəsinə yerləşdirilib.
"Uşaq beyin travması alıb. Onu polis əməkdaşları vaxtında xəstəxanaya çatdırıb. Maşınla vuranlardan - sedan avtomobilinin sahibi ilk gündən maraqlanır. Lakin "Mercedes ML" markalı avtomobilin sürücüsü dünən gəlib. Həmin gün məktəbdə bayram tədbiri keçirilib və Sərxana hədiyyə verilib. O, səkidə dayanıb hədiyyəsinə baxarkən bədbəxt hadisə ilə üzləşib", - deyə S.Nəsirov yazıb.
Qeyd edək ki, hadisə vaxtı uşağa ilk olaraq yol nişanının çırpılması da məlum olub.
Baş vermiş hadisə, xüsusilə "Mercedes"in sürücüsünün xəsarət alan azyaşlıya biganəliyi geniş müzakirələrə səbəb olub.
Hadisə anının görüntülərini təqdim edirik:
