“Azpetrol”da 51 litrlik çənə 54 litr benzin vuruldu - FOTO

Yanacaqdoldurma məntəqəsində maşının çəninə tutumundan artıq benzin vurulub.

AJMEDİA.NEWS xəbər verir ki, bu barədə Metbuat.az-ın qaynar xəttinə daxil olan şikayətdə bildirilib. Sürücü Şəkidəki “Azpetrol LTD” yanacaqdoldurma məntəqəsindən narazılıq edib.

O bildirib ki, avtomobilinin yanacaq çəni 51 litr tutumlu olsa da, məntəqədə 53.98 litr benzin vurulub:

“Avtomobilimin çəni maksimum 51 litr tutur. Yanacaq vurulmamışdan əvvəl çəndə təxminən 4-5 litr benzin var idi. “Azpetrol”da 53.98 litr vuruldu, tapança da avtomatik atmadı, operator özü saxladı. YDM-nin əməkdaşı dedi ki, belə hallar olur, şlanqda qalan benzin sayğacı çox göstərir. Amma mən illərlə maşın sürürəm, ilk dəfədir belə bir şeylə rastlaşıram”, – deyə sürücü qeyd edib.

Məsələ ilə bağlı sayt “Azpetrol” şirkətinin mətbuat xidmətinə sorğu ünvanlayıb. Sorğu cavablandırılıqdan sonra şirkətin mövqeyi dərc olunacaq.