Azərbaycan millisi isveçrəli baş məşqçiyə tapşırıldı

Üzgüçülük üzrə Azərbaycan milli komandasının baş məşqçisi vəzifəsinə Luka Qabrilo təyin olunub.

AJMEDİA.NEWS xəbər verir ki, 15 ildən artıq təcrübəyə malik 44 yaşlı isveçrəli mütəxəssis öncə İsveçrə, ABŞ, İsrail, Rumıniya, Çexiya, Filippin və Avstraliyada çalışıb.

Onun rəhbərliyi altında Avropa və dünya çempionatlarında fərdi idmançılar və yığmalar medallara yiyələnib, Olimpiya Oyunlarında finallara vəsiqə qazanıb.