İranla bağlı qətnamə: Bu ölkələr bitərəf qaldı
11 dəqiqə əvvəlAlmaniya XİN rəhbəri İsraildə: “İranın parçalanması...
12 Mart 2026 08:59 | Baxış sayı: 104
Almaniyanın xarici işlər naziri Yohann Vadeful İsrailə səfər edən ilk Avropa xarici işlər naziri olub.
AJMEDİA.NEWS xəbər verir ki, Almaniya XİN rəhbəri İsrailin İrana qarşı başladığı əməliyyatlardan sonra bölgəyə səfər edən ilk Avropa diplomatıdır.
Nazir səfər zamanı bildirib ki, İranın parçalanması və ya ölkədə vətəndaş müharibəsinin başlaması nə region, nə də Avropa üçün məqbul ssenari sayılır.
“Xaosda, vətəndaş müharibəsində və ya İranın dağılmasında heç kəs maraqlı deyil. Bunun nəticələri çox ciddi olacaq və biz bunu Avropada da hiss edəcəyik”, – deyə Yohann Vadeful vurğulayıb.
Almaniya XİN rəhbəri eyni zamanda qeyd edib ki, İranın ərazi bütövlüyü qorunmalıdır.
Bununla yanaşı, o, İranın hərbi nüvə proqramı və ballistik raket proqramının tamamilə aradan qaldırılmasının vacib olduğunu bildirib. Vadeful əlavə edib ki, Tehran Yaxın Şərqdə fəaliyyət göstərən proksi silahlı qruplara dəstəyi də dayandırmalıdır.
