ABŞ-nin Səudiyyə Ərəbistanına verəcəyi "F-35"lərdə diqqətçəkən İsrail nüansı

"Səudiyyə Ərəbistanı ABŞ-dən İsraillə eyni modifikasiyaya malik beşinci nəsil "F-35" qırıcı-bombardmançı təyyarələri alacaq".

AJMEDİA.NEWS TASS-a istinadən xəbər verir ki, bunu ABŞ Prezidenti Donald Tramp Ağ Evdə Səudiyyə Ərəbistanının vəliəhd şahzadəsi Məhəmməd bin Salman Əl Saudla danışıqlardan əvvəl jurnalistlərin suallarını cavablandırarkən deyib.

Jurnalistlər ondan Səudiyyə Ərəbistanına tədarük ediləcək "F-35" təyyarələrinin İsrailə verilənlərdən geri qalıb-qalmayacağını dəqiqləşdirməyi istəyiblər.

"Fikrimcə, hər iki ölkə elə səviyyədədir ki, hər biri yüksək sinif məhsul almalıdırlar", - deyə Tramp vurğulayıb.