Ələtdə çay məcrasının dəyişdirilməsi və yol qovşağının inşası zamanı ağaclar köçürüləcək
5 saat əvvəlABŞ-Ermənistan hərbi təlimləri başladı
13 Avqust 2025 09:29 | Baxış sayı: 356
Dünən Ermənistanda “Eagle Partner” adlı bir həftəlik erməni-amerikan hərbi təlimləri başlayıb.
AJMEDİA xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
Məlumata görə, Ermənistan hərbçiləri avqustun 20-dək beynəlxalq sülhməramlı missiyalarda iştirak üçün təlim keçəcəklər.
Təlimdə Ermənistan Silahlı Qüvvələrinin Sülhməramlı Briqadasının, ABŞ-nin Avropa və Afrikadakı ordusunun və Kanzas Milli Qvardiyasının hərbçiləri iştirak edəcək.
Manevrlər təlim və tibbi evakuasiya əməliyyatlarına diqqət yetirməklə sülhməramlı tapşırıqların icrasını əhatə edəcək.
Təlimlərin bəyan edilmiş məqsədləri beynəlxalq sülhməramlı missiyalarda iştirak edən bölmələr arasında qarşılıqlı fəaliyyət səviyyəsinin yüksəldilməsi, idarəetmə və taktiki rabitə sahəsində qabaqcıl təcrübələrin mübadilə olunması, Ermənistan silahlı qüvvələrinin sülhməramlı hissəsinin hazırlığının artırılmasıdır.
Qeyd edək ki, “Eagle Partner” hərbi təlimləri 2023-cü ildən bəri Ermənistanda hər il keçirilir.//yeniavaz.com
