Zelenski xəbərdarlıq etdi: Rusiya kütləvi zərbəyə hazırlaşıb

Ukrayna Prezidenti Volodimir Zelenski Rusiyanın kütləvi zərbə hazırladığını və kəşfiyyat xəbərdarlıqlarının qüvvədə qaldığını bildirib.

AJMEDIA.NEWS xəbər verir ki, Zelenski bu barədə axşam müraciətində danışıb.

Onun sözlərinə görə, yanvar-may aylarında Ukrayna hərbçiləri Rusiyanın 15 neft emalı zavodunu vura biliblər.

“Bu, ciddi nəticədir. Artıq Rusiyada aviasiya yanacağı və benzinin ixracına qadağalar var, dizel yanacağının ixracına qadağa da müzakirə olunur”, — deyə Zelenski bildirib.

Ukrayna prezidenti qeyd edib ki, bir müddət əvvəl “yanacaqdoldurma məntəqəsi” adlandırılan ölkə üçün bu sahədə itkilər böyük zərbədir.

Zelenskinin sözlərinə görə, may ayına olan vəziyyətə əsasən, Rusiyada neftin ilkin emal gücünün təxminən 40 faizi sıradan çıxarılıb.