Zelenski Rusiyanı hədələdi

Ukrayna Prezidenti Volodimir Zelenski G7 sammiti çərçivəsində keçirilən "Reuters Next" konfransında çıxışı zamanı Rusiyanı "dəhşətli" qışla hədələyib.

Bu barədə AJMEDIA.NEWS-a MK.ru-ya istinadən xəbər verir.

Onun sözlərinə görə, Kiyev öz infrastrukturunun məhv edilməsinin əvəzində Rusiya ərazisinə oxşar zərbələrlə cavab vermək niyyətindədir.

"Bu, bizim üçün dəhşətli qış idi. Əlbəttə ki, biz daha bir belə qış yaşamaq istəmirik və Rusiya bilməlidir ki, bu il onlar üçün də adi qış olmayacaq", - deyə Zelenski bəyan edib.

Bu baxımdan, o, soyuqlar düşənə qədər münaqişənin nizamlanmasının müzakirəsi üçün Rusiya Prezidenti Vladimir Putinlə görüş təşkil etməyi yenidən təklif edib.

Zelenski daha əvvəl Kremlin Moskvada danışıqların keçirilməsi təklifini rədd edərək, belə bir formatı "oyun" adlandırmış, Türkiyə və ya İsveçrə kimi neytral məkanda keçirilməsini israr etmişdi.