Yarım milyon insan “Tramp telefonu”nu gözləyir - FOTO

ABŞ Prezidenti Donald Trampın təxminən bir il əvvəl elan etdiyi “Trump Mobile” adlı qızıl rəngli smartfon layihəsi ilə bağlı narazılıqlar artır.

AJMEDIA.NEWS xəbər verir ki, NBC News-un məlumatına görə, layihə üçün təxminən 500 min nəfər öncədən sifariş verib və ümumilikdə 59 milyon dollara yaxın ödəniş edib. Lakin bu müddət ərzində müştərilərə bir dənə də olsun telefon göndərilməyib.

Bununla yanaşı, layihənin rəsmi saytından cihazın satışa çıxacağı tarix də silinib. Yenilənmiş istifadə şərtlərində isə qeyd olunur ki, ödənilən depozit telefonun istehsal ediləcəyinə və ya alıcılara çatdırılacağına zəmanət vermir.

NBC News yazır ki, bu vəziyyət sosial şəbəkələrdə və istifadəçilər arasında geniş narazılıq yaradıb.