Xamenei iki liderdən belə qaçdı – İnanılmaz detallar

“ABŞ Prezidenti Donald Tramp və Türkiyə Prezidenti Rəcəb Tayyib Ərdoğan keçən həftə İstanbulda ABŞ və İranın yüksək səviyyəli nümayəndə heyətlərinin görüşünü təşkil etməyə çalışıblar”.

AJMEDIA xəbər verir ki, bu barədə “Axios” portalı öz mənbələrinə istinadən məlumat yayıb.

Bildirilib ki, görüşü təsdiqləməli olan İranın ali dini rəhbəri Ayətullah Əli Xamenei ilə əlaqə yaratmaq mümkün olmayıb:

“Buna görə də cəhd uğursuz olub. Xamenei sui-qəsd ehtimalından qorxduğu üçün gizlənir. Tramp bazar ertəsi Kanadada G7 sammiti üçün olarkən Ərdoğana zəng edib və o, ABŞ və İran arasında münaqişənin həlli yollarını müzakirə etmək üçün İstanbulda görüşməyi təklif edib. O, ABŞ vitse-prezidenti Cey Di Vens və prezidentin Yaxın Şərq üzrə xüsusi nümayəndəsi Stiv Uitkoffu Türkiyəyə göndərməyə hazır olduğunu bildirib. Tramp, həmçinin İran prezidenti Məsud Pezeşkianla danışıqlarda şəxsi iştirakını da istisna etməyib.

Bundan sonra Ərdoğan və Türkiyənin xarici işlər naziri Hakan Fidan təklifi Pezeşkiana və İranın xarici işlər naziri Abbas Araqçıya çatdırıblar. Xamenei ilə əlaqə saxlamağa çalışsalar da, buna nail ola bilməyiblər. Bir neçə saat sonra iranlılar ali dini rəhbərin razılığını almadıqlarını Türkiyəyə çatdırıblar. Ankara da öz növbəsində görüşün ləğvi barədə ABŞ-ı xəbərdar edib”. /globalinfo.az/