Üç Avropa ölkəsinin XİN başçıları İsrailə səfər edəcəklər

Almaniya, Fransa və Böyük Britaniya xarici işlər nazirlərinin (XİN) avqustun 7-də İsrailə səfər etmək imkanı nəzərdən keçirilir.

AJMEDİA.NEWS-un “Al Arabia”ya istinadən verdiyi məlumata görə, bunu Almaniya Kansleri Fridrix Merts bildirib.

"Biz, ehtimal ki, Fransa, Böyük Britaniya və Almaniyanın xarici işlər nazirlərindən avqustun 7-də birlikdə İsrailə getmələrini və üç hökumətin mövqeyini təqdim etmələrini xahiş edəcəyik", - F.Merts Berlində İordaniya kralı II Abdullah ilə birgə mətbuat konfransında bildirib.

XİN başçılarının İsrailə səfəri Qəzza zolağında ağır humanitar böhranla bağlıdır.