Türkiyəli analitik: "ABŞ-dan sonra Azərbaycan İsrailin ən vacib tərəfdaşıdır"

Türkiyədə bir sıra media orqanları və sosial media platformaları Azərbaycanı İsraillə sıx əlaqələrinə görə qınamağa davam edir.

Türkiyədə Azərbaycanın İsraillə əməkdaşlığına qarşı tənqidlər o həddə çatıb ki, dövlət qurumları anti-Azərbaycan kampaniyasına son qoyulması çağırışı ilə bəyanat yayıblar.

Tənqidin əsas məqamları ondan ibarətdir ki, Azərbaycan Türkiyədən fərqli olaraq İsraillə əməkdaşlıq etməyə və onu neftlə təmin etməyə davam edir.

Bu kontekstdə Türkiyənin SozcuTV televiziya kanalının analitiki və jurnalisti Yılmaz Özdil maraqlı bir açıqlama verərək, Azərbaycanın ABŞ-dan sonra İsrailin ən vacib tərəfdaşı olduğunu vurğulayıb.