"Türk Hava Yollar"ı bu tarixdən İrəvana uçacaq

"Türk Hava Yolları"(THY) aviaşirkəti Ermənistanın paytaxtı İrəvana müntəzəm birbaşa uçuşlar həyata keçirəcək.

AJMEDIA.NEWS xəbər verir ki, İrəvanın "Zvartnots" Hava Limanının mətbuat xidmətindən verilən məlumata görə, "Türk Hava Yolları" İrəvan və İstanbul arasında birbaşa uçuşlara başlayacaq.

Uçuşlar 11 martdan etibarən başlayacaq.

İstanbul-İrəvan-İstanbul marşrutu üzrə uçuşlar hər gün yerinə yetiriləcək və 14 maydan etibarən həftədə 10, 15 iyundan isə həftədə 14 uçuşa qədər artırılacaq.