Trampdan Azərbaycan açıqlaması: Putin mənə dedi ki...

ABŞ Prezidenti Donald Tramp yenidən Vaşinqtonda Azərbaycan və Ermənistan arasında onun vasitəçiliyi ilə imzalanmış razılaşma barədə danışıb.

AJMEDİA.NEWS xəbər verir ki, o, bu barədə Cənubi Koreyada jurnalistlərə bildirib.

“Onlar arasındakı münaqişə 38 il davam edib. Hətta Putin də heyranlığını ifadə etdi, söylədi ki, bu münaqişəni həll edə bilmirdilər. Onlar (Azərbaycan Prezidenti İlham Əliyev və Ermənistan Baş naziri Nikol Paşinyan) Ağ Evdə bir-birindən uzaq oturmuşdular, amma görüş zamanı tədricən bir-birlərinə yaxınlaşdılar, hətta səmimi görüşdülər”, - Donald Tramp qeyd edib.

ABŞ Prezidenti son səkkiz ayda səkkiz müharibəyə son qoyduğunu, bunlardan birinin də Ermənistanla Azərbaycan arasında olduğunu vurğulayıb.

Xatırladaq ki, Ağ Evdə Azərbaycan, Ermənistan və ABŞ liderləri arasında görüş avqustun 8-də keçirilib.