Tramp Ronaldo ilə GÖRÜŞƏCƏK

ABŞ prezidenti Donald Tramp, Portuqaliya millisinin və Səudiyyə Ərəbistanının "Əl-Nəsr" klubunun ulduz futbolçu Kriştiano Ronaldonu yaxın günlərdə Ağ Evdə qəbul etməyə hazırlaşır.

AJMEDİA.NEWS xarici mediaya istinadla xəbər verir ki, portuqaliyalı Dünya çempionatı öncəsi hazırlıq çərçivəsində ABŞ milli komandası ilə yoldaşlıq oyununda da iştirak edəcək.

Tramp daha əvvəl FIFA prezidenti Canni İnfantinonu Oval ofisdə qəbul edib. İndi isə futbolun ən canlı əfsanələrindən biri olan Ronaldo ilə görüş planlaşdırılır.

Xəbərdə vurğulanır ki, Ronaldo bir müddət əvvəl Trampla görüşmək istədiyini açıqlayıb və bu istəyinə müsbət cavab verilib. Üç Ağ ev rəsmisi Ronaldonun səfərinin, Trampın Səudiyyə Ərəbistanının vəliəhd şahzadəsi Məhəmməd bin Salmanla görüşəcəyi günə təsadüf edəcəyini təsdiqləyib.

Qeyd edək ki, Ronaldo hazırda Səudiyyə Ərəbistanında "Əl-Nəsr" klubunda çıxış edir. Buna görə də, iki görüş arasında hər hansı bir əlaqənin olub-olmadığı hələlik məlum deyil.