SOCAR İsrailin ən böyük qaz yataqlarından birində payın alınması ilə bağlı sövdələşməni tamamlayıb

Azərbaycanın SOCAR şirkəti İsrailin ən böyük qaz yataqlarından biri olan Tamarda 10% payın alınması ilə bağlı sövdələşməni başa çatdırıb.

AJMEDİA xəbər verir ki, bu barədə Azərbaycan mətbuatı məlumat yayıb.

Sövdələşmənin ümumi dəyəri 1,25 milyard dollar qiymətləndirilir.

Sövdələşmə SOCAR-ın iki şirkətdə - Union Energy və Tamar Petroleumda pay alması nəticəsində mümkün olub.

SOCAR Union Energy-nin səhmlərinin 48,3%-ni alıb ki, bu da onu Tamar layihəsində 7%-lik payla təmin edib. Şirkət Tamar Petroleum-un 17,9%-ni almaqla bu layihədə daha 3% əldə edib.