Serbiyada hökuməti devirmək cəhdinin qarşısı alınıb

Serbiyada konstitusiya quruluşunun zorakılıqla devrilməsini hazırlamaqda şübhəli bilinən altı nəfər saxlanılıb.

AJMEDİA.NEWS xəbər verir ki, bu barədə ölkənin Daxili İşlər Nazirliyi məlumat yayıb.

İstintaqın məlumatına görə, iyunun 21-də saxlanılan şəxslər Kralyevo şəhərindəki oteldə görüşüb və Serbiyada hakimiyyətin zorakılıqla dəyişdirilməsi planını müzakirə ediblər.

Onlar odlu silahdan istifadə etməklə dövlət qurumlarının nümayəndələrinə hücum etmək, polis əməkdaşlarını tərksilah etməyə cəhd etmək, hökumət binalarına, digər dövlət qurumlarına, habelə Serbiya Radio və Televiziyasının (RTS), "Happy TV" kanalının və İnformer portalının redaksiyalarına soxulmağı planlaşdırıblar.

Saxlanılan şəxslər barəsində 48 saata qədər həbs qətimkan tədbiri seçilib.