SEPAH-dan dünyanı silkələyən qərar: Microsoft, Apple və Google vurula bilər

Yaxın Şərqdə gərginlik yeni və təhlükəli mərhələyə daxil olur.

AJMEDIA.NEWS xəbər verir ki, İran İslam İnqilabı Keşikçiləri Korpusu (SEPAH) texnoloji nəhənglər – Microsoft, Apple və Google ilə bağlı sərt bəyanat yayıb.

Bildirilib ki, bu şirkətlərin texnologiyalarının İrana qarşı hücumlarda istifadə edildiyi iddia olunur. SEPAH bu əsasla Yaxın Şərqdə həmin şirkətlərə aid obyektlərin hədəfə alına biləcəyini açıqlayıb və prosesin yaxın günlərdə başlaya biləcəyinə işarə edib.

Məsələnin ən kritik tərəfi isə qlobal internet infrastrukturu ilə bağlıdır. Ekspertlər vurğulayır ki, Avropa, Afrika və Asiyanı birləşdirən əsas rabitə xətləri məhz bu regiondan keçir və dünya internet trafikinin təxminən 17–20 faizi bu marşrut üzərində formalaşır.

İranın daha əvvəl də bu kommunikasiya arteriyalarına təsir göstərə biləcəyi ilə bağlı xəbərdarlıqlar etdiyi xatırladılır. Belə bir ssenari reallaşarsa, bu, yalnız regional deyil, qlobal miqyasda iqtisadi və informasiya böhranına səbəb ola bilər.