Şahin Şıxlinski ilə bağlı YENİ MƏLUMAT
27 Yanvar 2026 14:19 | Baxış sayı: 311
Uraldakı Azərbaycan diasporunun keçmiş rəhbəri Şahin Şıxlinski və Səfərovlar ailəsinin üzvləri ilə bağlı iş üzrə məhkəmə prosesi qapalı keçirilir.
AJMEDİA.NEWS xəbər verir ki, Rusiya mediasının məlumatına görə, vəsatəti "zərərçəkmiş Fehruz Şirinov" təqdim edib. Prokurorluq bu mövqeyi dəstəkləyib və bundan sonra hakim dinləmələrin qapalı keçirilməsi barədə qərar verib.
Bu arada, E1.ru saytı Şıxlinskinin istintaq təcridxanasında təkadamlıq kamerada saxlanıldığını bildirir.
Onun istifadəsində nə televizor, nə də soyuducu var. O, asudə vaxtlarında kitablar, o cümlədən Cinayət Məcəlləsini oxuyaraq məhkəməyə hazırlaşır. Nəşrin mənbəsi bildirib ki, diasporun keçmiş rəhbəri xeyli arıqlayıb. Şıxlinski ötən ilin payızında diabet və böyrək daşları səbəbindən xəstəxanaya yerləşdirilsə də, hazırda vəziyyəti stabildir.
Qeyd olunur ki, Şahin Şıxlinskiyə qarşı ittihamlar zərərçəkmiş Fehruz Şirinovun ifadəsinə əsaslanır. O, 2010-cu ildə Şirinova qarşı sui-qəsd cəhdində iştirak etməkdə ittiham olunur.
