Qrenlandiyanın Baş nazirindən Trampın bəyanatına SƏRT REAKSİYA

Qrenlandiyanın Baş naziri Yens-Frederik Nilsen ABŞ Prezidenti Donald Trampın İsveçrənin Davos şəhərində keçirilən Dünya İqtisadi Forumundakı çıxışlarına münasibət bildirib.

AJMEDİA.NEWS xəbər verir ki, o, bir çox məsələdə danışıqlara hazır olduqlarını, lakin suverenlik məsələsinin "qırmızı xətt" olduğunu bəyan edib. Qrenlandiyanın Danimarka Krallığına, Avropa Birliyinə və NATO-ya sadiqliyini vurğulayan Nilsen adanın suverenlik məsələsinin danışıqlar mövzusu ola bilməyəcəyini ifadə edib.

Nilsen həmçinin Davosda Trampla NATO-nun baş katibi Mark Rutte arasında keçirilən görüşə də münasibət bildirərək, Ruttenin Danimarka və ya Qrenlandiya adından danışıqlar apara bilməyəcəyini bəyan edib.