Röya Şəbnəmi səhnədən endirməsindən DANIŞDI: "Orada ikimiz olmalı idik"
6 saat əvvəlQərb ölkələri İsrailin Qərb sahilində 19 yeni yaşayış məntəqəsi planına qarşı çıxıb
26 Dekabr 2025 09:47 | Baxış sayı: 101
Böyük Britaniya, Kanada və Almaniya da daxil olmaqla 12 Qərb dövləti İsrailin təhlükəsizlik kabinetinin İordan çayının işğal olunmuş Qərb sahilində 19 yeni yaşayış məntəqəsinin tikintisini təsdiqləməsi qərarını kəskin şəkildə pisləyib.
AJMEDİA.NEWS xəbər verir ki, bu barədə "Reuters" agentliyi məlumat yayıb.
Birgə bəyanatı Böyük Britaniya, Belçika, Danimarka, Fransa, İtaliya, İslandiya, İrlandiya, Yaponiya, Malta, Niderland, Norveç və İspaniya nümayəndələri imzalayıb. Sənəddə İsrail hakimiyyətinə bu planlara yenidən baxmaq çağırışı yer alıb.
“Biz İsraili bu qərarı ləğv etməyə, həmçinin yaşayış məntəqələrinin genişləndirilməsini dayandırmağa çağırırıq”, - bəyanatda qeyd olunub.
Diplomatlar vurğulayıblar ki, bu cür addımlar beynəlxalq hüquq normalarına ziddir və regionda təhlükəsizliyə ciddi təhdid yaradır.
“Qərb sahilində məskunlaşma siyasətinin daha geniş şəkildə gücləndirilməsinin tərkib hissəsi olan bu cür birtərəfli addımlar təkcə beynəlxalq hüququ pozmur, həm də qeyri-sabitliyi dərinləşdirmək riski daşıyır”, - bəyanatda bildirilib.
