PYD terror təşkilatının keçmiş lideri Salim Müslim öldü

PKK terror təşkilatının Suriya qolu sayılan YPG-nin rəhbərlərindən biri olan Salih Müslimin öldüyü iddia olunur.

AJMEDIA.NEWS xəbər verir ki, Türkiyə mediasının yaydığı məlumata görə, beynəlxalq axtarışda olan Müslim İraqın Ərbil şəhərində müalicə aldığı xəstəxanada ölüb.

Bildirilir ki, o, orqan çatışmazlığı səbəbindən həyatını itirib. Məlumatın təşkilata yaxın mənbələrə istinadən yayıldığı qeyd olunur.

Salih Müslim uzun illər YPG-nin rəhbərlərindən biri kimi tanınıb və təşkilatın beynəlxalq səviyyədə tanınması istiqamətində fəaliyyət göstərdiyi bildirilir. O, həmçinin PKK/KCK strukturu ilə əlaqələri səbəbindən Türkiyə tərəfindən axtarılan şəxslər siyahısında yer alırdı.

Qeyd edək ki, Müslim 1951-ci ildə Suriyanın Hələb vilayətinin Ayn əl-Ərəb (Kobani) şəhərində anadan olub. Müxtəlif dövrlərdə PKK ilə əlaqəli strukturlarda fəaliyyət göstərdiyi və YPG rəhbərliyində təmsil olunduğu bildirilir.