Netanyahu Trampla fikir ayrılıqlarının olduğunu etiraf etdi

İsrailin Baş naziri Binyamin Netanyahu ABŞ Prezidenti Donald Trampla aralarında vaxtaşırı fikir ayrılıqlarının yarandığını etiraf edib.

AJMEDİA.NEWS xəbər verir ki, Netanyahu CNBC-yə verdiyi müsahibəsində Trampla ortaq məqsədlərinin olduğunu deyib: "Bəzən, ən yaxşı ailələrdə olduğu kimi, taktiki fikir ayrılıqları yaranır, amma bunların öhdəsindən gəlməyin həmişə bir yolu var və biz bunu böyük dostlar olaraq edirik. Səhər fikir ayrılığına düşə bilərik, sonra isə günortadan sonra birgə hərəkətə keçə bilərik."

Qeyd edək ki, Tramp daha əvvəl "New York Post" qəzetinə verdiyi müsahibədə Netanyahu ilə sonuncu telefon danışığı zamanı ədəbsiz ifadələr işlətdiyini və onu "dəli" adlandırdığını təsdiqləmişdi .