"Messi"ni ikiyə böldülər - FOTO

Argentina millisinin ulduz futbolçusu Lionel Messiyə həsr olunan heykəl yenidən dağıdılıb.

AJMEDİA.NEWS xəbər verir ki, yerli KİV-in məlumatına görə, hadisə Mar-del-Plata şəhərində baş verib.

Şəhərin məşhur kafelərindən birinin qarşısında yerləşən abidə naməlum şəxslər tərəfindən ikiyə bölünüb. Heykəldə Messi Argentina millisinin formasında, əlində dünya çempionluğunun kuboku ilə təsvir olunmuşdu. Skulptur 2022-ci ildə Qətərdə qazanılan dünya çempionluğuna ehtiram əlaməti olaraq hazırlanmışdı.

Qeyd edək ki, bu, heykələ edilən ikinci vandal hücumdur. Messinin abidəsi 2024-cü ildə də oxşar şəkildə zədələnmişdi.