Merts və Netanyahu arasında görüş olacaq - BU TARİXDƏ

Almaniya Kansleri Fridrix Merts 6-7 dekabrda İsrailə səfər edəcək və orada ölkənin Baş naziri Benyamin Netanyahu ilə danışıqlar aparacaq.

AJMEDİA.NEWS-un xarici mediaya istinadən məlumatına görə, bu barədə Berlində AFR hökumətinin nümayəndəsi Şteffen Mayer jurnalistlərə bildirib.

Onun sözlərinə görə, Mertsin Netanyahu ilə görüşü 7 dekabr tarixinə planlaşdırılıb.

"Tərəflər ikitərəfli əlaqələrin inkişafını və Qəzzada vəziyyətin sabitləşdirilməsi üçün səyləri, eləcə də digər beynəlxalq mövzuları müzakirə edəcəklər", - deyə Mayer bildirib.

Kansler həmçinin "Yad Vaşem" memorial kompleksini ziyarət edəcək və İsrail vətəndaş cəmiyyətinin nümayəndələri ilə görüşəcək.