İsraildə 12 min əvvələ aid nadir fiqur aşkarlandı - FOTO

İsrailli arxeoloqlar dünyanın ən qədim fiqurlarından birini, insanla heyvanın qarşılıqlı əlaqəsini özündə əks etdirən əşyanı tapıblar.

AJMEDİA.NEWS xəbər verir ki, nadir tapıntı haqda PNAS jurnalında məlumat yayılıb.

Tədqiqatçılar müəyyən ediblər ki, heykəlcik təxminən 12 min əvvəl, yerli tayfaların oturaq həyat tərzi keçdiyi dövrdə yaradılıb. Miniatürdə başını qazın boynunun altına qoymuş qadın təsvir edilib.

Qədim tapıntının ölçüsü cəmi 3,7 sm-dir. Fiqur gildən hazırlanıb və təxminən 400°C-də yandırılıb. Üzərində çatların olmaması tapıntının yandırılmamışdan əvvəl hərtərəfli qurudulduğunu göstərir.

Üzərində olan barmaq izləri fiqurun yeniyetmə və ya qadın tərəfindən hazırlandığından xəbər verir.

Alimlər qeyd edirlər ki, bu cür təsvirlər qədim insanların ətraf mühiti və heyvanları necə qəbul etməsini anlamağa kömək edir. Heyvanlarla insanların qarşılıqlı əlaqəsini əks etdirən belə əsərlərə son dərəcə nadir rast gəlinir.