İsrailli nazir Trampa qarşı çıxmağa çağırdı: “Hizbullah” vurulmalıdır

İsrailin milli təhlükəsizlik naziri İtamar Ben-Qvir Baş nazir Benyamin Netanyahunu ABŞ prezidenti Donald Trampın mövqeyi ilə razılaşmamağa və “Hizbullah”a qarşı hərbi əməliyyat keçirməyə çağırıb.

AJMEDIA.NEWS xəbər verir ki, Ben-Qvir bu barədə Netanyahuya müraciətində bildirib.

“Cənab baş nazir, siz deyirdiniz ki, güclü baş nazir ABŞ prezidentinə mümkün olanda ‘bəli’, lazım gələndə isə ‘yox’ deyir. İndi dostumuz prezident Trampa ‘yox’ deməyin vaxtıdır”, — deyə o vurğulayıb.

Ben-Qvirin sözlərinə görə, İsrail ordusunun əlləri açılmalı və ölkənin şimalında təhlükəsizlik bərpa edilməlidir.

“Artıq lazım olanı etmək vaxtıdır: ‘Hizbullah’a zərbə endirmək, döyüşçülərimizin əllərini açmaq və şimala təhlükəsizliyi qaytarmaq lazımdır”, — deyə nazir qeyd edib.