İsrail Müdafiə Qüvvələri Qəzzada HƏMAS-ın silahlı bölməsini məhv edib

İsrail Müdafiə Qüvvələri (IDF-SAXAL) Qəzza zolağının şimalında Fələstinin HƏMAS hərəkatının silahlı radikallarından ibarət bölməni müəyyənləşdirərək məhv edib.

AJMEDIA.NEWS-un xəbərinə görə, bu barədə SAXAL öz "Telegram" kanalında məlumat verib.

"İsrail Müdafiə Qüvvələri Qəzza zolağının şimalında fəaliyyət göstərən silahlı HƏMAS terrorçu dəstəsini aşkarlayıb.

Bundan sonra SAXAL öz qüvvələrinə qarşı təhlükəni aradan qaldırmaq üçün silahlı terrorçulara zərbə endirib və onları məhv edib", - deyə məlumatda bildirilib.