İrandan ABŞ və İsrailə xəbərdarlıq

İran İnqilab Keşikçiləri Korpusunun Qüds Qüvvələrinin komandanı briqada generalı İsmayıl Qaani ABŞ və İsrailə xəbərdarlıq edib.

AJMEDIA.NEWS xəbər verir ki, Qaani Hörmüz boğazından Bab əl-Məndəbə, Fars körfəzindən Qırmızı dənizə qədər uzanan ərazinin “müqavimət cəbhəsinin” yeni təhlükəsizlik zonası olacağını bildirib. O, sosial media hesabındakı paylaşımında “müqavimət cəbhəsi”nin ABŞ və İsrailin regiondakı hücumlarına birgə cavab verəcəyini qeyd edib. Qaani Yəməndə İsrailə qarşı husilərin son hücumlarına da toxunaraq həmin xəttin strateji əhəmiyyət daşıdığını vurğulayıb.

O, ABŞ və İsrail hücumlarını davam etdirəcəyi halda, Hörmüz boğazı və Bab əl-Məndəb kimi strateji su yollarının “müqavimət qüvvələri” tərəfindən bağlana biləcəyini də əlavə edib.