İranda dağılan tikililərin sayı açıqlandı

ABŞ və İsrailin İran ərazisinə hücumları nəticəsində 19 min 700-dən çox yaşayış binası da daxil olmaqla 24 min 500-dən çox mülki tikili zərər görüb.
İRNA agentliyi xəbər verir ki, bu barədə İran Qızıl Aypara Cəmiyyətinin rəhbəri Pir Hüseyn Kolivand bildirib.

“Hazırda müxtəlif sektorlarda 24 min 531 mülki tikili zədələnib, onlardan 19 min 775-i yaşayış binasıdır”, - Kolivand qeyd edib.

O, həmçinin 4 511 kommersiya binasının zədələndiyini və bunun təsirlənmiş ərazilərin sakinləri üçün əhəmiyyətli iqtisadi nəticələrə səbəb olacağını bildirib.

Kolivand əlavə edib ki, hücumlar nəticəsində 69 məktəbə ziyan dəyib. Nəticədə, 154 nəfər ölüb, 195 nəfər yaralanıb.//yeniavaz.com