İran hava məkanını açdı

İran hakimiyyəti əksər hava limanlarının işini bərpa edib və ölkənin hava məkanını açıb.

AJMEDİA.NEWS xəbər verir ki, bu barədə İslam Respublikasının Mülki Aviasiya Təşkilatının bəyanatında deyilir.

"Mehrabad və İmam Xomeyni adına hava limanları, eləcə də ölkənin şimal, şərq, qərb və cənub hava limanları yenidən fəaliyyətə başlayıb və xidmət göstərməyə hazırdır", - bəyanatda bildirilir.

Qeyd olunur ki, daxili və beynəlxalq uçuşlar İsfahan və Təbriz hava limanları istisna olmaqla, ölkənin bütün hava limanlarında yerli vaxtla saat 05:00-dan 18:00-dək həyata keçiriləcək.