Hava dəyişir: 5 gün yağış yağacaq

11 İyun 2026 15:29 | Baxış sayı: 134

Azərbaycanın rayonlarında iyunun 12-dən 17-dək hava şəraitinin dəyişkən olacağı, bəzi yerlərdə fasilələrlə yağıntıların müşahidə ediləcəyi gözlənilir.

Milli Hidrometeorologiya Xidmətindən AJMEDIA.NEWS-a verilən məlumata görə, ayrı-ayrı bölgələrdə yağıntıların intensivləşməsi, şimşək çaxması və dolu düşməsi ehtimalı var.

Bəzi dağlıq və dağətəyi ərazilərdə isə yağışların daha güclü olacağı bildirilir.

Qeyd olunub ki, yağıntılarla əlaqədar çaylarda sululuğun artması, eləcə də bəzi dağ çaylarında qısamüddətli daşqın və sel riski yarana bilər.