Günəş yanığından sonra bədəni bərpa edən 5 məhsul

Günəş yanığından sonra dərinin daha tez sağalması üçün bəzi qidalar faydalı ola bilər.

AJMEDİA.NEWS xəbər verir ki, mütəxəssislər bu prosesdə kömək edən 5 əsas məhsulu açıqlayıb:

Yerkökü bədən üçün vacib olan beta-karotinlə zəngindir. Bu maddə dərinin üst qatında toplanır və günəşin zərərli şüalarından qoruyan təbii baryer yaradır. Həm də dərinin qocalmasının qarşısını alır.

Süd məhsulları (kefir, qatıq və s.) dəridəki DNT zədələrini bərpa etməyə kömək edir və dəri immunitetini gücləndirir.

Vitamin D ilə zənginləşdirilmiş portağal şirəsində olan polifenollar dərini UVA və UVB şüalarının zərərindən qoruyur. Vitamin D isə dəridəki iltihabı azaldır və sağalma prosesini sürətləndirir.

Pomidor pastası və ya digər pomidor məhsullarında likopin adlı maddə var. Bu maddə dərini günəşin zərərli təsirlərindən qorumağa kömək edir.

Tədqiqatlara görə, nar suyu və nar ekstraktı dərini ultrabənövşəyi şüalara qarşı daha davamlı edir. Nar, dəriyə təsir edən UVB şüalarının zərərini azaltmaqda plasentadan daha təsirli hesab olunur.

Bu məhsullar dərinin özünü tez bərpa etməsinə və yanığın təsirlərinin azalmasına kömək edə bilər.