Fransa İsrailə görə BMT-ni təcili iclasa ÇAĞIRDI

Fransa İsrailin Livanda davam edən hərbi əməliyyatları fonunda BMT Təhlükəsizlik Şurasının növbədənkənar iclasını çağırır.

AJMEDİA.NEWS xəbər verir ki, bu barədə respublikanın xarici işlər naziri Jan-Noel Barro "BFMTV" telekanalının efirində bəyanatla çıxış edib.

"Mən BMT Təhlükəsizlik Şurasının təcili iclasının keçirilməsini tələb etdim. İsrailin Livandakı hərbi əməliyyatlarını davam etdirməsinə və Livan ərazisini getdikcə daha çox işğal etməsinə heç bir şey bəraət qazandıra bilməz", - deyə nazir vurğulayıb.

Barronun sözlərinə görə, İsrail Livanda döyüş əməliyyatlarını davam etdirməklə "böyük bir səhvə" yol verir.