Finlandiya məhkəməsi "Fitburg" gəmisində olan bir Azərbaycan vətəndaşını həbs edib

Helsinki Rayon Məhkəməsi sualtı kabelə zərər vurmaqda şübhəli bilinən "Fitburg" yük gəmisinin heyət üzvü üçün həbs qərarı verib.

AJMEDİA xəbər verir ki, bunu istintaq direktoru Kimmo Huhta-aho jurnalistlərə bildirib.

Həbs edilən şəxs Azərbaycan vətəndaşıdır. Huhta-aho onun harada olduğu barədə heç bir açıqlama verməyib.

Ekipaj Rusiya, Gürcüstan, Qazaxıstan və Azərbaycan vətəndaşları da daxil olmaqla 14 nəfərdən ibarətdir.

Gəmi Yeni il gecəsi Finlandiya körfəzində "Elisa" telekommunikasiya kabelinə zərər vurmaqda şübhəli bilinir.