“Erməni konyakı konyak deyilmiş” – Rusiyada qalmaqal böyüyür

Ermənistandan Rusiyaya ixrac olunan bəzi spirtli içkilərlə bağlı ciddi qalmaqal yaranıb.

AJMEDİA.NEWS xəbər verir ki, xüsusilə “Proşyan zavodu”nun məhsulları ilə bağlı aparılan yoxlamalar zamanı uyğunsuzluqlar aşkarlanıb.

İddialara əsasən, məhsulların bir hissəsi üzüm mənşəli spirtlərdən deyil, digər xammaldan hazırlanıb və bu səbəbdən “konyak” kimi təqdim olunması şübhə altına düşüb.

Rusiya Federasiyasında alkoqol və tütün bazarına nəzarət edən qurum artıq məsələni məhkəməyə çıxarmağa hazırlaşır. Qurum Rusiyadakı filialın lisenziyasının ləğv olunmasını tələb edir.

Bildirilir ki, məsələ ilə bağlı hüquqi prosedurlar başlanılıb və yaxın günlərdə məhkəmə baxışı gözlənilir. Bu qalmaqal fonunda erməni spirtli içkilərinin Rusiya bazarındakı mövqeyinə ciddi zərbə dəyə biləcəyi ehtimal olunur.