Ərdoğanla Putin niyə danışmır? - İddia

Türkiyə-Rusiya diplomatik münasibətlərində durğunluq dövrü müşahidə olunmağa başlayıb.

AJMEDİA.NEWS xəbər verir ki, Prezident Rəcəb Tayyib Ərdoğanla rusiyalı həmkarı Vladimir Putin arasında bu il hansısa görüşün və telefonun danışığının reallaşmaması diqqət çəkib. "Cumhuriyet" qəzetinin məlumatına görə, iki lider ötən il intensiv diplomatik fəaliyyətlə məşğul olublar. Lakin 2026-cı ildə Venesuelaya müdaxiləyə və Suriya əməliyyatlarına baxmayaraq, onlar heç bir əlaqə saxlamayıblar. Sonuncu dəfə ötən ilin dekabr ayında Türkmənistanda görüşən liderlərin sükutu diplomatik dairələrdə diqqəti cəlb edib. Lakin diplomatik geriləmə yalnız sükutla məhdudlaşmır. Gərgin münasibətlərin başqa bir tərəfi Rusiyanın Ankaradakı səfirinin təyinatının gecikməsi ilə özünü göstərib. Keçmiş səfir Aleksey Yerhov vəzifəsindən 2025-ci ilin sentyabrında ayrılıb. Ondan sonra vəzifə boş qalıb.

Bu arada Moskva administrasiyası Qara dənizdə hücuma məruz qalan türk tankerləri ilə bağlı Türkiyə səfirini Xarici İşlər Nazirliyinə çağırıb və ondan Ukraynanı qınamağı tələb edib. İddialara görə, Tramp administrasiyası dövründə Ankaranın ABŞ ilə yenidən yaxınlaşması Moskva ilə əlaqələri zəiflədib.