Epşteyn Kremlə Tramp haqqında məlumat verməyi təklif edibmiş - QALMAQAL

ABŞ-da insan alveri və yetkinlik yaşına çatmayanların seksual istismarı ilə bağlı ittiham olunan amerikalı maliyyəçi Ceffri Epşteyn 2018-ci ildə həm ABŞ, həm də Avropa rəsmilərinə göndərdiyi məktublarda Tramp haqqında məlumatları Rusiya rəsmiləri ilə bölüşməyə hazır olduğunu bildirib.

AJMEDİA.NEWS xarici agentliklərə istinadən xəbər verir ki, bu barədə Politico saytı məlumat yayıb.

Xüsusilə, nəşr Epşteynin 2018-ci ildə — Donald Trampla Vladimir Putinin Helsinkidə görüşündən bir ay əvvəl — Norveçin keçmiş baş naziri və həmin dövrdə Avropa Şurasının baş katibi olmuş Turbyörn Yaqlanda ünvanladığı məktubu sitat gətirir. Epşteyn həmin məktubda Rusiya xarici işlər naziri Sergey Lavrovun əvvəlcə onunla danışmasını, Tramp barədə “ümumi təsəvvür” əldə etməsini təklif edirdi:

“Düşünürəm ki, Putinə təklif edə bilərsiniz: Lavrov [Tramp] haqqında ilkin təsəvvürü mənimlə danışaraq alsın”, – deyə Epşteyn yazırdı.

Yaqland cavabında bildirib ki, ertəsi gün Lavrovun köməkçisi ilə görüşəcək və söhbət zamanı bu məsələni çatdıracaq. MİD nümayəndələrinin Epşteynlə həqiqətən əlaqə saxlayıb-saxlamadığı məlum deyil.

Əpşteyn məktublarında həmçinin BMT-də Rusiyanın daimi nümayəndəsi olmuş Vitali Çurkinlə görüşlərindən yazırdı (Çurkin 2017-ci ildə vəfat edib). Əpşteynin sözlərinə görə, Çurkin “Trampı onunla söhbətlərdən sonra yaxşı başa düşmüşdü”.

Helsinki görüşünün özünə dair yazışmalar da diqqət çəkir. Görüş ABŞ-da Tramp üçün “fiasko” kimi qiymətləndirilmişdi. Bill Klinton administrasiyasının keçmiş maliyyə naziri və Barak Obamanın iqtisadi müşaviri Larri Sammerz Epşteynə belə yazırdı:

“Rusların Trampa qarşı hansısa kompromatı varmı? Bu günkü çıxışı hətta onun standartlarına görə də dəhşətli idi.”

Epşteyn cavabda bildirirdi ki, inbox-u bu cür mesajlarla doludur və Trampın davranışı “tamamilə gözlənilən” idi. O yazırdı:

“Əminəm ki, Trampın fikrincə görüş əla keçib. O düşünür ki, rəqibini ovsunlayıb… Amma o, bir çox şeyi sadəcə başa düşmür.”

Epşteyni 2019-cu ildə yetkinlik yaşına çatmayan qızları özünün və tanışlarının seksual istismarı üçün istifadə etməkdə ittiham ediblər. Onu həbsdən bir ay sonra Nyu-Yorkdakı təcridxanada ölü tapdılar; rəsmi versiyaya görə, ölüm səbəbi intihar OLUB.

Tramp Epşteyni tanıyırmı. Amerikalı milyarderin müəmmalı ölümündən sonra “müştəri siyahısı” barədə müxtəlif nəzəriyyələr səsləndirilibDemokrat konqresmenlərin 2025-ci il noyabrın 12-də dərc etdiyi yeni məktublarda isə iddia olunur ki, Tramp “qızlardan xəbərdar olub” və həmin qızlardan biri “onunla bir neçə saat keçirib”.

Ağ Evin mətbuat katibi Kərölayn Livit bu məktubların “Trampın heç nəyi pozmadığını sübut etdiyini” bildirib.