Daha bir videokonfrans qalmaqalı - Səmərqənddə məmur işçisini qucağında oturdub

Özbəkistanın Səmərqənd vilayətinin Kattakurqan rayonunun məşğulluq şöbəsinin müdirinin onlayn konfrans zamanı qucağında oturan işçisini qucaqladığını əks etdirən foto internetdə yayıldıqdan sonra onların hər ikisi işdən çıxarılıb.

AJMEDİA yerli mediaya istinadla xəbər verir ki, sosial şəbəkələrdə videokonfransdan yayılan skrinşot ictmai ajiotaja səbəb olub.

Məmurun kameranı söndürməyi unutması ona və partnyoruna başa başa gəlib.

Uznews xəbər verir ki, Məşğulluq və Yoxsulluğun Azaldılması Nazirliyi fotonun orijinal olduğunu təsdiqləyib. Araşdırmalardan sonra kameralara düşən rayon şöbəsinin müdiri A. A. və tabeliyində olan işçinin əmək müqavilələrinə xitam verilib.

Məlum olub ki, A. A. ötən ilin dekabr ayından bu vəzifədə çalışır.

Bundan əvvəl, aprel ayında Əndicanda nazirliyin daha iki əməkdaşı – şəhər şöbəsinin müdiri və onun müavini işdən çıxarılıb. Onların işdən çıxarılma səbəbi isə iş yerində həşişdən istifadə etmələri olub.