Bu ilin ilk yarısında Azərbaycanda 42 min insan işsizlər sırasına daxil olub
6 saat əvvəlCənubi Qafqazda yeni “Xüsusi Hərbi Əməliyyat” başlaya bilər - Kreml jurnalistindən ŞOK HƏDƏ
11 Avqust 2025 12:00 | Baxış sayı: 339
Rusiyalı televiziya aparıcısı Vladimir Solovyov Cənubi Qafqazdakı proseslərlə bağlı xəbərdarlıq edib.
AJMEDİA xəbər verir ki, o, regionda baş verənlərin Moskva üçün ciddi təhlükə yaratdığını bildirib və ehtiyac yaranarsa, Rusiyanın yeni “Xüsusi Hərbi Əməliyyat”a başlaya biləcəyinə işarə edib.
“Cənubi Qafqazda baş verənlər çox böyük problemdir. Xəzər tezliklə elə vəziyyətə düşə bilər ki, orada NATO bazaları peyda olsun. Bu, o qədər təhlükəlidir ki, geosiyasi mövqeləri nəzərə alsaq, nəticədə bu, bizim nəslin sonuncu Xüsusi Hərbi Əməliyyatı olmayacaq,” – deyə Solovyov vurğulayıb.
O, həmçinin bildirib ki, belə ssenarinin qarşısını almaq üçün bütün mümkün və əlçatan diplomatik vasitələrdən istifadə edilməlidir: “Bütün tərəflərə çatdırmaq lazımdır ki, Rusiyanın maraqlarına hörmət edilməlidir.”//musavat.com
